Francia restrinxirá as viaxes a e desde o Reino Unido pola propagación da variante ómicron. Londres notificou 146 mortes nas últimas 24 horas e un total de 88.376 casos, uns 10.000 máis que o mércores. A decisión de París, que afectou a familias e transportistas a ambos os dous lados da Canle da Mancha, non sentou ben a moitos viaxeiros.
Polonia introduciu novas restricións ao aforo en restaurantes, hoteis e teatros, mentres o número de mortos por Covid-19 alcanzaba o seu nivel máis alto desde abril.
Doutra banda, na reunión dos socialistas europeos, en Bruxelas o primeiro ministro de Portugal, Antonio Costa, falou xa dunha nova vacina adaptada á variante ómicron e asegurou que estará dispoñible na primavera. O primeiro ministro de Portugal asegurou tamén este xoves que o país manterá as restricións e os controis de acceso nas fronteiras máis aló do 9 de xaneiro, aínda que polo momento non ten pensado amplialas.