O Comité Nacional do Transporte por Estrada (CNTC) de mercadorías desconvocou o peche patronal programado para os días 20, 21 e 22 de decembro tras alcanzar un principio de acordo co Goberno a última hora deste venres, segundo informaron fontes da negociación. Tras pasar as dúas últimas xornadas intercambiando documentos, puntos de vista e propostas, o Comité Nacional do Transporte por Estrada destacou entre os logros conseguidos a prohibición da participación do condutor nas operacións de carga e descarga, unha «reivindicación histórica do sector en beneficio das condicións laborais dos seus traballadores». Tamén se conseguiu reducir á metade os tempos de espera, a partir dos cales o transportista terá dereito a unha indemnización, así como o trato para dispensar aos condutores nos centros de carga e descarga, e o compromiso de incorporar de forma imperativa na Lei, a cláusula de estabilización do prezo do gasóleo nos contratos de transporte, sen posibilidade de pacto en contrario.
34