39
A folga no sector pesqueiro desconvocouse a última hora deste mércores e a frota aparcará, polo menos ata o vindeiro martes, a parada que mantiñan como consecuencia da alza do prezo do gasóleo e doutros produtos, o que conleva que saír a fanear non lles resultase rendible. A desconvocatoria da parada foi comunicada polo presidente das confrarías nacionais (FNCP), Basilio Otero, quen admitiu que a reunión entre o sector pesqueiro e o ministro de Pesca, Luís Planas, foi «positiva» porque este «non rexeitou» falar das propostas que lle expuxeron e aceptou continuar as reunións a semana próxima. Otero recoñeceu que as medidas que estuda o Goberno e a Unión Europea son «bos cimentos» pero fai falta ver «como queda o edificio» porque «urxen».