Descubrindo Corme a través dun roteiro literario

Imagen de archivo del puerto de Corme

  • O percorrido, organizado pola AELG, realizarase este sábado coa escritora Diana Varela Puñal

A Asociación de Escritoras e Escritores en Lingua Galega (AELG), en colaboración con Concello de Ponteceso, celebrará este sábado un Roteiro Literario por Corme. A actividade terá aproximadamente unha hora de duración e contará coa autora Diana Varela Puñal como anfitrioa.

Este roteiro enmárcase dentro dos Paseos literarios polas vilas da provincia da Coruña, grazas a un acordo coa Deputación, que permiten coñecer os diferentes lugares a través de autores.

As persoas interesadas en asistir deberán anotarse enviando un correo electrónico a oficina@aelg.org. A iniciativa partirá do Xardín Vello, diante dos murais.