30
Arne Schönbohm, responsable de Ciberseguridade do goberno alemán, foi destituído da dirección da Oficina Federal para a Seguridade da Información por presuntos vínculos coa espionaxe rusa. Schönbohm, que dirixía a Oficina Federal para a Seguridade na Información desde 2016, cofundou fai dez anos o Consello Alemán de Ciberseguridade, que reúne a expertos de institucións públicas e privadas e entre cuxos membros se atopa a empresa informática Protelion, segundo a prensa alemá, fundada por un ex-espía ruso. Esta revelación xornalística disparou a alarma nun contexto de extrema tensión con Rusia e ante as sucesivas sabotaxes ás infraestruturas enerxéticas así como á rede ferroviaria alemá.