- Dous dos positivos na proba de alcoholemia triplicaron a taxa permitida, polo que se instruíron dilixencias por posible delito contra a seguridade viaria
A Policía Local da Laracha, no exercicio do seu labor de control da seguridade viaria nas estradas do termo municipal, detectou nos últimos días oito condutores que deron positivo nas probas de alcohol e de drogas. En concreto tres de eles arroxaron resultado positivo por consumo de substancias estupefacientes incompatibles coa condución tales como cocaína, cannabis, anfetaminas e metanfetaminas.
Outros cinco automobilistas superaron a taxa máxima permitida de 0,25 mg/L de alcohol en aire expirado e dous deles excederon o triplo, polo que se instruíron dilixencias por posible delito contra a seguridade viaria.
A Policía Local reitera o perigo que supón conducir baixo os efectos do alcohol ou das drogas tanto para a persoa ao volante que incumpre a normativa como para os demais usuarios da vía.