35
O Sergas detectou o primeiro contaxio da variante surafricana da covid-19 en España. Trátase dun traballador de 30 anos do sector naval que viaxou a ese país por motivos laborais. Ao seu regreso a España, segundo manifestan fontes sanitarias, o home presentou síntomas compatibles con coronavirus. O servizo de Medicina Preventiva da área sanitaria de Vigo procedeu á secuenciación do virus nos laboratorios de microbioloxía do hospital Meixoeiro. O pasado día 5 de xaneiro confirmouse a presenza desta cepa que foi comunicada ao rexistro internacional do GISAID.