54
Rusia viviu este domingo unha xornada de detencións masivas de seguidores de Alexéi Navalni. Segundo a ONG OVD-Info, máis de 4.000 persoas foron arrestadas en todo o país durante as concentracións para esixir a liberación do famoso blogueiro e líder opositor. Desde primeiras horas da mañá, decenas de miles de persoas desafiaron a prohibición gobernamental e botáronse ás rúas de máis dun centenar de cidades para secundar as denuncias de corrupción que converteron a Navalni no inimigo número 1 do Kremlin. A maioría das detencións producíronse en Moscova e en San Petersburgo. Entre os arrestados atópase Yulia Navalnaya, activista e esposa de Navalni. Antes de ser detida compartiu mensaxes e vídeos nas redes sociais.