O Equipo Territorial da Policía Xudicial (ETPJ)da Garda Civil de Carballo en colaboración co Equipo Territorial de Policía Xudicial (ETPJ) da Garda Civil de Santiago de Compostela detivo a un home como presunto autor de tres delitos de roubo con violencia e dous delitos de estafa no marco da operación “Aerosol”. A mencionada operación, tutelada polo Xulgado de Instrución de Negreira, o Xulgado de Instrución nº 1 de Ordes e o Xulgado de Instrución nº 2 de Santiago de Compostela, iniciouse por mor dos roubos con violencia perpetrados en xoierías das localidades de Ordes, Santa Comba e Santiago de Compostela o pasado mes de xullo.
Realizando devanditos roubos mediante o mesmo modus operandi, o cal consistía en simular o seu interese en adquirir diferentes pezas de xoiería, solicitando aos dependentes que lle mostrasen varios exemplares. No momento no que tiña sobre o mostrador o suficiente número de pezas de xoiería, e aproveitando unha menor distancia co dependente, agredíaos utilizando un spray de gas pementa, fuxindo a continuación co botín de xoias que lle estaban mostrando.
Como froito do traballo de campo realizado polos compoñentes dos ETPJ mencionados, a Garda Civil logrou a identificación plena do presunto autor dos feitos, o cal resultou ser coñecido das forzas de seguridade pola comisión de numerosos ilícitos de diversa índole, constándolle varias requisitoria de diversos Xulgados de Asturias e Galicia. Esta persoa trataba de entorpecer o labor policial extremando as medidas de seguridade, cambiando habitualmente de vehículos e de terminais telefónicos para evitar ser localizado. Para realizar o cambio de vehículos procedía a realizar estafas na compravenda de turismos, contactando con particulares que vendían o seu vehículo, e tras reunirse en persoa, simulaba en directo realizar unha trasferencia bancaria, que nunca se chegaba á conta do vendedor, levándose o vehículo no momento. Os vendedores, tras darse conta do engano, tentaban contactar con el para reclamarlle novamente o importe do vehículo, sendo imposible dado que como medida de seguridade engadida, o autor cambiaba de número de teléfono pouco despois de apropiarse dos turismos.
Tras lograr a identificación plena do presunto autor e solicitar os indicios e evidencia que o relacionan cos tres de roubo con violencia e os dous delitos de estafa na compravenda de vehículos. A Garda Civil procedeu á súa detención, e xunto coas actuacións realizadas, este xoves foi posto ao dispor do Xulgado de Instrución de garda de Carballo. Recoñeceu todos os feitos polos que era investigado e o xuíz decretou o seu ingreso en prisión comunicada e sen fianza.