A Garda Civil de Tui detivo un santeiro da comarca de Paradanta, no sueste de Pontevedra, que incitaba as pacientes a que practicasen sexo con el para curar.
O home, de 55 anos, veciño da zona, trataba con conxuros e herbas a quen acudía á súa consulta. A algúns destes receitáballes relacións sexuais con el para completar o tratamento.
O curandeiro convencía aos pacientes de que, para curar, tiñan que manter sexo con el, pois enganábaas dicindo que estaban posuídas por un espírito e só el podía curalas co seu corpo.
Tras a investigación, o home foi detido pola Policía Xudicial e foi posto ao dispor do Xulgado de garda de Ponteareas como presunto autor dun delito contra a liberdade e a indemnidade sexual.
Finalmente, o xulgado deixouno en liberdade con cargos.