0
A Policía Xudicial e un equipo da Científica analizaron os restos dos coches queimados para recabar probas. As imaxes das cámaras situadas no lugar dos feitos permitiron localizar á presunta responsable: unha muller de 50 anos, residente da zona e que foi interrogada en dependencias policiais antes de pasar a disposición xudicial. O alcalde da vila afirmou que esta muller é a única detida e que os motivos aínda se están investigando. A muller parece que actuou por unha vinganza familiar, que foron as disputas por unha herdanza as que a levaron a prenderlles lume aos coches aparcados dos seus familiares. O resto dos vehículos, ata 21, e os desperfectos ocasionados nos edificios próximos por mor do lume, serían danos colaterais.