- En total aprehendéronse máis de 5.5 toneladas de haxix, incautáronse 9 embarcacións e 12 vehículos foron interceptados
A Garda Civil desenvolviu 28 actuacións nas dúas últimas semanas nas que se procedeu á detención de 58 persoas, á aprehensión de 5.626 kg de haxix, e á incautacion de 9 embarcacións e 12 vehículos.
Desde o inicio do Estado de Alarma as forzas de seguridade observaron un descenso na capacidade de movemento das organizacións criminais, aínda que iso non supuxo un cesamento da actividade dos narcotraficantes que transportan o haxix desde Marrocos ata o litoral andaluz, vía marítima.
Neste sentido, nestas dúas últimas semanas, a Garda Civil levou a cabo diferentes actuacións relacionadas co narcotráfico na costa andaluza e no río Guadalquivir. Nelas participaron, principalmente, axentes da Garda Civil das Comandancias de Huelva, Sevilla, Cádiz, Alxeciras, Málaga e Almería, así como do OCON-SUR, GAR e Servizo Marítimo e Aéreo da Garda Civil.