Os Mossos d’Esquadra neutralizaron e detiveron este martes ao autor do tiroteo en Tarragona contra os traballadores dunha empresa de seguridade e un axente de policía. O presunto autor do tiroteo foi localizado polos axentes nunha vivenda abandonada nos arredores do municipio de Riudoms, onde se atrincheirou. Segundo informou a policía catalá, o home foi «neutralizado e detido» nun intercambio de disparos con efectivos dos GEI dos Mossos d’Esquadra. O home, que tiña unha cantidade «considerable» de armas no momento da súa detención, áchase en estado crítico polos impactos de bala que recibiu. Un dos axentes deste dispositivo resultou ferido no brazo por unha bala ao tentar deter ao agresor nunha rotonda situada na estrada N-420, no termo municipal de Reus.