Detido tras supostamente acoitelar a tres persoas na Coruña e ameazar con suicidarse

Un home que supostamente apuñalou tres persoas este luns nun edificio da Coruña e ameazaba con suicidarse lanzándose desde a xanela dunha oitava planta, entregouse finalmente e foi detido pola policía. Os feitos ocorreron nun inmoble da rolda de Nelle, próximo a San Pedro de Mezonzo. As vítimas, un matrimonio e un veciño do edificio, están feridas de carácter leve. Tras acoitelalas na primeira planta, o home subiu ao oitavo e permanecía nunha xanela. Un negociador da policía acompañado de equipos sanitarios e dos bombeiros, conseguiron que finalmente o home se entregase e, finalmente, foi detido. Os feridos foron trasladados ao Hospital Clínico da Coruña, mentres a policía investiga as causas do suceso.