0
Tal e como informa a Policía Local de Carballo, axentes uniformados detiveron a un veciño do barrio da Milagrosa de 45 anos. Investígaselle por un suposto delito de falsidade documental, ao ser interceptado ao volante dun Opel Vectra cunhas placas de matrícula falsas. O coche foille requisado e inmobilizado e as dilixencias penais foron derivadas ao posto da Garda Civil para a súa instrución e posterior traslado aos xulgados de Carballo. Investígase a intencionalidade do delito por axentes do instituto armado. O sospeitoso enfróntase a unha pena de entre seis meses e tres anos de prisión e a unha multa económica.