Contra as 21:00 horas deste domingo transcendeu a morte dunha muller por unha agresión con arma branca na rúa Zamora en Vigo, nas proximidades da praza da Independencia. Os feitos sucederon no edificio número 70. Ata o lugar desprazáronse os servizos de emerxencias e cando estaban a atender á muller, o presunto agresor apareceu ante a Policía para entregarse. Xa foi detido, segundo informan desde a Policía Nacional.