Axentes da Policía Nacional detiveron a un mozo de 23 anos en Vigo como presunto autor dun delito á intimidade, por gravar a mulleres por debaixo da saia sen previo coñecemento e/ou consentimento, e subir as imaxes a páxinas pornográficas.
A investigación remóntase ata xuño de 2018, cando varias mulleres denunciaran os feitos en A Coruña, onde as gravacións tiveron lugar durante un evento, e en Vigo, ó ser gravadas nun centro comercial.
Axentes especializados en delincuencia tecnolóxica comprobaron que as fotografías colgadas en páxinas pornográficas eran de temática “upskirting” (gravacións de mulleres por debaixo da saia, sen que elas o saiban ou o autoricen).