- O valor total dos obxectos subtraídos ascende aos 8.000 euros
Un mozo foi detido o pasado 10 de marzo como presunto autor de vinte roubos en varios vehículo.
Trátase dun veciño de Malpica de Bergantiños que utilizaba o seu propio vehículo para trasladarse desde o seu domicilio a praias e lugares turísticos da zona costeira, aproveitando calquera descoido das vítimas para roubar no interior dos seus vehículos bolsos, diñeiro, teléfonos móbiles, computadores e pequenos obxectos que deixaran á vista.
A investigación, na que participaron o Equipo de Investigación ROCA de Carballo e a Garda Civil de Ponteceso, foi bastante complicada debido a que a maioría das vítimas era persoas alleas á localidade que se atopaban de visita turística.
Os danos causados son cuantiosos, alcanzando o 7.000 euros aproximadamente, así como o valor total dos obxectos subtraídos que podería alcanzar os 8.000 euros.