A Garda Civil do Posto de Corcubión xunto co equipo ROCA da Garda Civil de de Carballo e o SEPRONA de Corcubión detiveron a un veciño de Finisterre como presunto autor de máis dunha ducia de ilícitos penais contra o patrimonio levados a cabo na Costa da Morte. Os feitos sucederon na madrugada do día 23 cando o mesmo atopábase roubando no interior dun establecemento comercial da localidade de Finisterre.
Recibiuse chamada telefónica na Central Operativa do Servizos da Coruña dun veciño que alertaba de que un individuo encapuchado acababa de acceder ao interior dun establecemento na devandita localidade. A Garda Civil levaba varios días cun operativo activado debido á gran alarma social que provocara o agora detido na localidade. Inmediatamente una das patrullas do dispositivo compareceu no lugar dos feitos sorprendendo in fraganti ao detido, saíndo do interior do local portando nas súas mans un par de caixas de pequenos electrodomésticos.
As forzas actuantes procederon á súa detención tendo que ser reducido xa que opuxo unha gran resistencia, o mesmo portaba un coitelo de cociña de grandes dimensións. A Garda Civil procedeu á instrución das dilixencias, impútanselle máis dunha decena de ilícitos penais contra o patrimonio consistentes en roubos con forza en interior de establecementos, delitos de ameazas e un delito de quebrantamento de condena. Foron entregadas no Xulgado de Garda de Corcubión, que decretou o ingreso en prisión do mesmo. A Garda Civil agradece a colaboración cidadá prestada pola poboación de Finisterre, sendo esta imprescindible para proceder á detención do mesmo. A investigación continúa aberta para o esclarecemento total dos feitos e non se descartan máis detencións.