Tres vehículos estacionados arderon na madrugada deste domingo na rúa da Educación, en Visma (A Coruña), sen provocar danos persoais. O 112 Galicia foi alertado pasadas as 3:30 horas por un particular, quen informou de que ardía un coche e que había outros moi próximos que corrían risco. No lugar interviñeron os bombeiros municipais e os axentes da Policía Nacional e Local.
Incendio forestal en Visma e Penamoa
O lume declarouse ás seis e vinte da tarde deste domingo na parroquia de Visma e afectou, segundo as últimas estimacións, unhas cinco hectáreas de monte baixo.A intensa fumareda obrigou a tomar medidas preventivas na contorna. As primeiras hipóteses apuntan a que o incendio puido comezar nuns valados de plástico nas inmediacións das instalacións de Talleres Hércules, preto do parque de Bens. Os bombeiros da Coruña mobilizaron tres vehículos autobomba, aos que se sumaron os medios da Consellería do Medio Rural: seis axentes, cinco brigadas, cinco motobombas e dous helicópteros, aínda así, o forte vento dificultou as tarefas de extinción.