Día grande do roscón de Reis | Longas colas para levar sabor e tradición

Panaderías e pastelerías da Costa da Morte traballaron sen descanso estes días para dispensar aos seus clientes as mellores roscas de Reis e seguir así cumprindo coas tradicións. Un dos que máis fama ten na comarca é o elaborado na Panadería-Pastelería Roiser, en Coristanco. Desde primeiras horas da mañá deste xoves houbo constantemente decenas de persoas á cola, con esperas nalgún caso de máis dunha hora, para levar a casa o mellor sabor e a tradición das variadas receitas e tamaños do prezado protagonista do día, a ‘Rosca de Reis Roiser‘. E todas elas unidas cun denominador común, segundo os consultados, o máis rico da zona.