43
Dia estuda pechar 219 tendas durante o mes de xuño, 24 delas en Galicia, ao non recibir ofertas por parte doutras empresas interesadas nestes establecementos. Así o revelou o avogado da cadea de supermercados no transcurso do xuízo que se celebrou este martes na sede da Audiencia Nacional en Madrid no que CC. OO. solicita a nulidade do expediente de regulación de emprego (ERE) proposto por Dia, que afecta a 1.604 traballadores. Galicia concentrará 24 peches: 9 en Pontevedra, 8 na Coruña, 4 en Ourense e 3 en Lugo.