A líder de Sumar, Yolanda Díaz, trasladou este luns a Felipe VI o seu apoio ao candidato do PSOE, Pedro Sánchez, se é designado como aspirante á investidura, pois ao seu xuízo existe unha «posibilidade real» de reeditar o pacto da Mesa do Congreso, que se saldou con maioría progresista. Por contra, asegurou que o líder do PP, Alberto Núñez Feijóo, está «máis só que nunca» e «non ten posibilidade algunha de conformar un goberno», aínda que dixo que «respectará» a decisión que tome o rei neste sentido. Así se pronunciou Díaz tras a reunión con Felipe VI no Palacio da Zarzuela, no marco da rolda de consultas que o monarca iniciou este luns con sete formacións políticas para designar un candidato á investidura tras as eleccións xerais do 23 de xullo.
40