Liz Truss, a primeira ministra do Reino Unido, deixa o cargo apenas un mes e medio despois de chegar a Downing Street. Truss anunciou este xoves a súa dimisión como líder do Partido Conservador e deixará a xefatura do Goberno en canto se elixa ao seu sucesor nunha semana. A dimisión de Truss chega despois de que as voces contrarias á primeira ministra se multiplicasen nos últimos días.
“Non podo cumprir co mandato para o que me elixiron” dixo Truss ás portas de Downing Street, nunha comparecencia coa que poñía fin aos seus 44 días de mandato.
Impopular foi a rebaixa fiscal que a primeira ministra tivo que botar atrás despois de que, mesmo grandes entidades financeiras cuestionasen a medida. Unha rebaixa que custaría ás arcas públicas do Reino Unido un buraco insostible mesmo a ollos do Banco de Inglaterra.