O Goberno do Líbano dimite en pleno tras a explosión no porto de Beirut e as violentas protestas dos últimos días. Seis días despois da deflagración de 3.000 toneladas de nitrato de amonio que deixou polo menos 160 mortos e máis de 6.000 feridos, o Goberno do Líbano dimite en bloque. Nunha mensaxe á nación, o primeiro ministro Diab anunciou a dimisión do seu Goberno e promoveu a loita contra a corrupción. O anuncio tivo lugar ao termo dunha reunión do Consello de Ministros, no que Diab tiña previsto convocar eleccións anticipadas. Este luns renunciaron os ministros de Xustiza, Finanzas e Mocidade, que se sumaron aos de Información e Medio, que fixeron o mesmo o domingo. Ademais da gran cantidade de mortos e feridos, a deflagración deixou sen vivenda a ao redor de 250.000 habitantes de Beirut.