Polo menos 40 mortos e decenas de desaparecidos na colisión de dous trens en Tempe, Larisa, Grecia. Segundo os Bombeiros, hai 72 feridos, 60 deles hospitalizados e 6 na Unidade de Coidados Intensivos. O Primeiro Ministro grego, Kyriakos Mitsotakis, acudiu ao lugar do terrible accidente ferroviario. O ministro de Transportes, Costas Karamanlis, presentou a súa dimisión e asumiu a responsabilidade política do sinistro. O Centro Nacional de Doazón de Sangue fixo un chamamento á cidadanía para doar sangue. As autoridades detiveron ao xefe de estación, que admitiu o seu fatal erro. O proceso para achar aos desaparecidos no lugar do accidente avanza con gran dificultade, xa que moitos pasaxeiros están desmembrados debido á violencia da colisión. Os médicos forenses teñen que identificar os restos mediante o ADN.