Álvaro Santos, presentou a súa renuncia ao cargo de secretario provincial do PSdeG de Lugo «por cuestións de criterio político». Esta renuncia prodúcese no medio das tensións internas sobre quen será o presidente da Deputación de Lugo. Santos afirmou que deixa o cargo polos mesmos principios cos que accedeu a el: «lealdade, compromiso e traballo», principios, precisou, «que non sempre atopou en outros». Precisamente, Santos enfrontouse a semana pasada contra o secretario xeral do partido, Gonzalo Caballero, que afirmou que se deben «poñer as prioridades» ao dispor da organización para que esta «busque a mellor fórmula para abrir novos tempos». Este luns, Santos recoñeceu que «non hai boas relacións coa dirección galega». Ademais, o pasado venres pedira publicamente ao líder do PSdeG, Gonzalo Caballero, que explicase os motivos polos que cre que a Deputación de Lugo necesita un cambio de «rumbo».
52