48
Crise aberta no Goberno ourensán tras producirse a dimisión de Miguel Caride como portavoz municipal de Democracia Ourensana (DO), por mor das disputas internas rexistradas nos últimos días entre un grupo de cinco edís críticos e o alcalde da cidade, Gonzalo Pérez Jácome, por presuntas irregularidades financeiras no seo do partido. Caride confirmou a súa renuncia desta función froito das “discrepancias” internas xurdidas dentro do partido aínda que aclarou que, polo momento, mantén intactas as súas atribucións de concelleiro de Infraestruturas, Mobilidade e Transporte.