A Comandancia da Garda Civil da Coruña establecerá un dispositivo de seguridade especial este martes, con motivo do desenvolvemento da contrareloj individual de La Vuelta a España que discorrerá entre a localidade de Muros e o Miradoiro do Ézaro. Este dispositivo composto por vehículos e efectivos do Subsector de Tráfico da Garda Civil da Coruña, das Unidades de seguridade cidadá da zona e da Unidade de Seguridade Cidadá (USECIC) da Comandancia da Coruña, ten como misión colaborar coa Unidade de Movilidade e Seguridade Viaria da Garda Civil que acompaña e dá protección aos integrantes de La Vuelta e coas Policías Locais dos concellos polos que discorrerá a etapa, para garantir o normal desenvolvemento da proba.
Á Unidade de Movilidade e Seguridade Viaria de La Vuelta composta por 130 efectivos, 1 helicóptero, 60 motocicletas, 13 vehículos todo terreo, 4 monovolume, 1 furgón taller, 4 furgóns, 2 autobuses, 1 camión cisterna e 1 turismo, sumásenselle 59 efectivos, 34 motocicletas e 12 vehículos todo terreo das unidades mencionadas. O labor fundamental deste dispositivo é proporcionar seguridade e mobilidade aos corredores de La Vuelta, vehículos de organización, apoio e caravana publicitaria, así como garantir a seguridade viaria ao resto de usuarios afectados polo desenvolvemento do evento.
