O Ministerio de Sanidade distribuíu 50.000 dose, o 100% das unidades entregadas por Pfizer dos 344.000 tratamentos do medicamento Paxlovid que adquiriu o Goberno para evitar a progresión do COVID 19 e previr a hospitalización e a morte en pacientes leves con factores de risco.
A dispensación deste medicamento está organizada e ordenada e se adecua ás realidades e circuítos asistenciais efectivos en cada territorio, co fin de achegalo ao paciente en tempo útil e que se dispense coa máxima calidade e seguridade, tendo en conta que Paxlovid só pode administrarse nos primeiros 5 días tras o inicio dos síntomas e non debe usarse con certos medicamentos como son algúns analxésicos, antiarrítmicos, antisépticos, anticoagulantes, antidepresivos, etc. Por iso, o proceso prevé unha validación farmacéutica, así se revisan os medicamentos que o paciente toma e increméntase a seguridade do proceso.
A prescrición do medicamento realízase seguindo uns criterios comúns para a súa aplicación ao paciente, equitativos e coherentes en todo o Sistema Nacional de Saúde, establecidos por profesionais expertos, «Criterios para valorar a administración das novas alternativas terapéuticas antivirais fronte á infección por SARS- CoV-2», que poden consultarse na páxina web da Axencia Española do Medicamento e Produtos Sanitarios.
De forma moi resumida, o paciente ao que vai destinado Paxlovid é aquel que presenta condicións de alto risco e enfermidade leve-moderada, sen considerar serología.
Estableceuse un circuíto específico para as persoas mutualistas que optan por unha compañía de seguro privado, sendo o acceso total para este todos os colectivos. A data 12 de abril de 2022 dispensáronse desde as Comunidades Autónomas 108 envases, que supón o tratamento de 108 pacientes.