Os deejays galegos farán un percorrido polos grandes éxitos dos anos 90 e 2000 que máis soaron nas pistas de baile da época, máis concretamente na desaparecida Macrodiscotreca Troco, onde Frisco foi dj residente durante dous anos e Marcos durante 17 anos. Despois de levar os seus enérxicos sets por toda a xeografía española e por países como México, Colombia, Suíza, Francia, Portugal, Marrocos, Austria, Alemaña ou Tailandia entre outros, esta actuación é moi especial para eles, xa que é a primeira vez que actúan nas festas patronais da vila chairega.