O deputado delegado da área de Asistencia aos Concellos, José Manuel Lage Tuñas, reuniuse co alcalde de Dodro, Xabier Castro Tourís, e cos membros do goberno municipal para analizar as necesidades do municipio tras a crise sanitaria da Covid-19.
Lage afirmou que a reunión continúa a rolda de contactos coa que o Goberno provincial pretende escoitar as necesidades dos municipios para facer fronte aos efectos sociais e económicos da pandemia, unha vez superada a crise sanitaria.
O deputado lembrou que o pleno da Deputación vén de aprobar a primeira achega do Plan Único 2020, de 41,2 millóns de euros, dos que Dodro recibe 146.000 euros. Destes fondos, 18.787 euros corresponden a unha achega extraordinaria para axudar aos municipios a afrontar o incremento do gasto social derivado da crise da Covid19.