O actual presidente foi nomeado na convención republicana de Charlotte para enfrontarse ao demócrata Joe Biden nas eleccións do próximo 3 de novembro e permanecer outros catro anos na Casa Branca. En lugar de concentrar a miles de persoas, só asistiron ao evento os 336 delegados no centro de convencións da cidade de Carolina do Norte para minimizar a posiblidad de contagios de COVID 19.
Mike Pence tamén repite como candidato á vicepresidencia. A convención republicana prolongarase ata o vindeiro xoves. É virtual, como o foi a demócrata. Pero esta tivo que organizarse en menos dun mes, despois de que o actual presidente desistise finalmente de celebrala en Florida, tal e como insistía.
Trump planea realizar unha aparición cada noite e aceptar o nomeamento durante a última velada desde a Casa Branca. Espérase unha campaña dura, na que os demócratas centrarán as súas acusacións contra o presidente nunha pésima xestión da pandemia, mentres Trump posiciona a Biden como un político ineficaz marioneta da esquerda radical.
40