Dous acusados dun delito de estafa a dúas persoas na suposta compra de dúas casas no municipio de Oleiros. Segundo a Fiscalía, ambos ingresaron diversas cantidades de diñeiro en concepto de “trámites” de construción das vivendas sen que estas chegasen a levantarse e nin sequera fosen propietarios das parcelas onde proxectaban as obras. O Ministerio Público pide para eles seis e cinco anos de prisión polos feitos, que sucederon en 2014. Foi en xullo dese ano cando unha persoa contactou cos homes a través dunha páxina web de venda de vivendas para interesarse por unha casa de 180.000 euros. Dándolle un nome falso, un dos acusados mantivo unha reunión coa vítima e pouco despois recibiu 200 euros en concepto de “trámites financeiros” e outros 1.500 polo anteproxecto para a construción. Cando esta non se produciu, a denunciante pediu explicacións, que nunca chegaron, e finalmente perdeu o contacto co agora acusado.
O outro caso que se xulgará será o dunha parella que tamén no mes de xullo interesouse por unha casa en O Seixal que viran noutra páxina web inmobiliaria. Co mesmo modus operandi, as vítimas entregaron 4.500 euros en efectivo nunha primeira visita e 1.800 a través dunha transferencia bancaria por “xestións técnicas e proxecto”. Tampouco estas persoas lograron o reintegro do seu diñeiro.
O Ministerio Público tamén solicita no seu escrito a indemnización entre ambos das cantidades achegadas polas vítimas coa aplicación dos intereses ata o momento de ditar sentenza.