Dúas persoas morreron na madrugada deste sábado e outras dez quedaron feridas no incendio ocorrido en Madrid nun restaurante de gastronomía italiana situado na praza de Manuel Becerra. Os falecidos, segundo fontes policiais, eran dous homes novos, un deles traballador do establecemento, de nome Burricán Canaglia, ubicado no número 16 da céntrica praza do barrio de Salamanca. O lume declarouse sobre as 23:00 horas e propagouse polo teito «de xeito moi rápido» e polas paredes, que estaban cubertas de plantas artificiais a modo de selva, informaron fontes de Emerxencias de Madrid. A supervisora de garda do Samur-Protección Civil, Montserrat Marcos Alonso, explicou aos medios no lugar do suceso que seis dos feridos foron trasladados a distintos hospitais madrileños con prognóstico grave e outros 4 foron atendidos con carácter leve.
23