Un condutor circulou durante máis de dous quilómetros en sentido contrario ata que acabou batendo contra outro turismo. Os dous condutores, e únicos ocupantes dos vehículos implicados, tiveron que ser traslados ao hospital en ambulancia o que provocou retencións e colas quilométricas no lugar dos feitos. Varias testemuñas viron entrar o coche kamikaze á altura das gasolineiras e no quilómetro 12, na coñecida como curva de Molinos, colisionou frontalmente contra o outro. Tras recibir o aviso, o 112 Galicia puxo os feitos en coñecemento dos axentes de Tráfico, dos Bombeiros de Porriño e dos membros do GES de Mos. Así mesmo, foron informados os axentes da Policía Local, os Bombeiros de Vigo e os efectivos do Servizo de Emerxencias de Mos. Finalmente, tras rematar a intervención, os Bombeiros comunicaron ao 112 Galicia que foi preciso retirar as portas dos vehículos para evacuar aos feridos.
42