37
Segundo informou a Garda Civil a última hora deste martes, dúas persoas resultaron feridas graves e 8 feridas leves nun accidente de autobús que tivo lugar no quilómetro 26 da estrada PO-552 (Vigo-Tui) á altura de Mougás, no municipio de Oia. O autocar da empresa ATSA estaba a prestar un servizo discrecional para PSA-Vigo e levaba a uns 35 traballadores da factoría veciños do Baixo Miño. Segundo fontes da Garda civil, o vehículo atropelou a un cabalo e por esta razón envorcou na estrada ao redor das 22.55 horas. Por sorte non houbo que lamentar falecidos.