Os feitos ocorreron uns minutos antes das oito da tarde deste xoves na avenida Eduardo Pondal, no centro da vila, e foi un particular o que alertou o Centro Integrado de Atención ás Emerxencias. Os motivos poderían estar relacionados cun posible axuste de contas. Ao parecer, o home, de 39 anos, conseguiría defenderse cun coitelo e os atacantes fuxiron. Os veciños alertaron á Garda Civil e a efectivos do 061, que atoparon a vítima ferida e con moito nerviosismo. Fontes do 061 confirmaron que o home tivo que ser finalmente evacuado ao Complexo Hospitalario Universitario da Coruña (CHUAC), en estado grave.