A nova xeración de robots facilitará o traballo dos agricultores, facendo que a agricultura sexa máis económica e respectuosa co medio ambiente. Algúns investigadores traballan para que a tecnoloxía realice un traballo agrícola máis preciso. As terras de cultivo moi grandes, como as plantacións de abelás, corren o risco de desperdiciar auga, pesticidas, fertilizantes… Ademais, con esta tecnoloxía, todas as plantas reciben o mesmo tratamento, tanto se o necesitan coma se non. Descubrir as necesidades individuais da planta levaría demasiado tempo e esforzo, así que aí é onde os robots poderían axudar. Este prototipo está a ser desenvolto para moverse por unha plantación de abelás de forma autónoma, tomando medidas das árbores.
Todo a través dun sistema informático especializado
Os robots envían os seus datos a un sistema informático centralizado, desenvolto no marco do proxecto europeo de investigación Pantheon. Unha interface fácil de usar axuda aos agrónomos con todo o necesario para xustificar as súas decisións, desde datos meteorolóxicos ata información detallada sobre o estado das plantas.