As axudas están dirixidas a entidades sen ánimo de lucro que traballan na promoción turística. Esta liña de subvencións supón un impulso económico total de 2.062.060,60 euros destinados a apoiar 18 proxectos, na provincia da Coruña, que contribúen á dinamización e vertebración do territorio a través do turismo. As entidades beneficiarias abarcan desde asociacións de concellos e grupos de desenvolvemento rural ata fundacións e mancomunidades, todas elas con iniciativas orientadas á promoción de destinos, produtos turísticos e eventos de interese estratéxico para a provincia. As axudas na Costa da Morte distribúense do seguinte xeito:
A Asociación de Empresarios e Promoción Turística de Camariñas recibirá 69.940 euros. Costa da Morte Asociación Turística (CMAT) obterá 119.400 euros. Estas axudas, da Deputación da Coruña, permiten reforzar o papel destas entidades na creación de oferta turística estruturada, sostible e de calidade, contribuíndo ao desenvolvemento socioeconómico de varios concellos e comarcas da Coruña.