Unha delas estaba atrapada e foi liberada polos bombeiros do parque comarcal situado na localidade.
Minutos despois da 1 da madrugada deste martes, un particular informou ao 112 Galicia dun accidente de tráfico no lugar de Nine, en Cespón (Boiro). O único coche afectado, con dous ocupantes, saírase da vía e acabou derribando parcialmente un poste da luz. Mentres unha das persoas estaba liberada e accesible, a outra permanecía atrapada no interior.
Así, os Bombeiros de Boiro confirmaron á súa chegada que foi necesario proceder coa súa excarceración.
Finalmente, ambos feridos foron atendidos polo persoal sanitario, desprazado ao lugar a bordo de dúas ambulancias.
Neste operativo participaron Urxencias Sanitarias de Galicia-061, os Bombeiros e o Servizo Municipal de Protección Civil de Boiro, a Garda Civil de Tráfico e os servizos de mantemento da estrada.