Dúas persoas de idade avanzada necesitaron asistencia ao presentar síntomas de intoxicación por inhalación de fume tras deixar, sen darse conta, un vehículo acendido no interior do garaxe dunha casa en Cambre.
Segundo a información recollida no 112 Galicia, as dúas persoas afectadas tiveron que ser trasladadas a un centro médico polos servizos sanitarios desprazados á vivenda.
Os feitos sucederon no lugar do Corgo, na parroquia de Breixo. Así, o 112 Galicia recibía a alerta da situación destas persoas a través de Urxencias Sanitarias de Galicia-061.
Nada máis recibir o aviso, desde o CIAE 112 Galicia solicitouse tamén a intervención da Policía Local e da Garda Civil.