O extécnico da Axencia Nacional de Seguridade estadounidense (NSA) Edward Snowden dixo que lle encantaría que o presidente francés Emmanuel Macron lle concedese asilo político despois de que unha dos seus ministros dixése que se dependese dela, ela ofreceríallo.
A ministra de Xustiza francesa, Nicole Belloubet, fixo os comentarios a fin de semana, pero deixou claro que falaba a título persoal e que non se trataba dunha oferta oficial. Nunha entrevista transmitida o luns na emisora de radio francesa France Inter, Snowden dixo que solicitou asilo en Francia en 2013, cando Francois Hollande aínda era presidente, pero que lle encantaría «ver a Macron lanzar unha invitación».
Snowden, cuxas memorias se publicaron este martes, vive en Rusia desde 2013, despois de revelar detalles dos programas de vixilancia secreta das axencias de intelixencia estadounidenses. As autoridades estadounidenses reclámanlle por espionaxe.