É a resposta a un recente aumento de ataques por parte do grupo rebelde apoiado por Irán contra barcos que navegan no Mar Vermello e o Golfo de Adén. O Comando Central dos Estados Unidos publicou imaxes que, asegurou, mostraban avións de combate estadounidenses FA-18 ao despegar do portaavións USS Dwight D. Eisenhower en apoio de ataques contra obxectivos hutíes. Segundo estados Unidos os brancos foron mísiles, sistemas de lanzamento, drons e material de defensa aérea. O Eisenhower atópase actualmente no mar Vermello. Segundo as mesmas fontes, avións de combate estadounidenses e británicos atacaron obxectivos en dezaoito puntos, marcando como brancos mísiles, lanzadores, foguetes, drons, un helicóptero e sistemas de defensa aérea hutíes. Hai un mes Estados Unidos realizou outro bombardeo no Iemen.
Os hutíes denunciaron a “agresión estadounidense-británica” e prometeron continuar a súa operación militar en resposta:” As Forzas Armadas iemenís afrontarán a escalada estadounidense-británica con operacións militares máis cualitativas contra todos os obxectivos hostís nos mares Vermello e Arábigo en defensa do noso país, o noso pobo e a nosa nación”, afirmou o seu voceiro.