EE.UU. négase a recibir cazas polacos polas súas consecuencias de «alto risco»

O portavoz do Departamento de Defensa de EE.UU., John Kirby, explicou nunha rolda de prensa que Austin mantivo unha chamada telefónica con Blaszczak, onde lle deu as grazas «pola disposición de Polonia a continuar buscando formas de axudar a Ucraína». Con todo, «non apoiamos neste momento a transferencia de máis avións de combate á forza Aérea ucraína, e, por tanto, non temos ningún desexo de velos baixo a nosa custodia», remarcou Kirby, alertando dunha posible «reacción rusa significativa». O portavoz do Departamento de Defensa agregou este mércores que EE.UU. rexeita a medida porque, con base en informes de intelixencia, a transferencia deses avións a Ucraína podería ser tomada por Rusia como un paso «escalatorio» e resultar «nunha reacción rusa significativa que podería aumentar as perspectivas dunha escalada militar coa OTAN».