Segundo os membros do departamento de intelixencia de Estados Unidos, Rusia pretende con isto responsabilizar a Ucraína da traxedia. O pasado 29 de xullo houbo un ataque na prisión de Olenivka, que deixou 53 falecidos, a maioría deles soldados capturados do rexemento de Azov e máis de 70 feridos. Rusia afirmou que o exército ucraíno utilizou lanzacohetesHIMARS para atacar a prisión de Olenivka. Rusia mostrou os mísiles dirixidos por GPS e de mediano alcance que Estados Unidos proporcionou a Ucraína. En cambio, segundo Estados Unidos, as forzas rusas deixaron restos destes mísiles no lugar dos feitos para incriminar ao seu adversario. O Exército ucraíno ha negado todas as acusacións. O ministerio de Defensa de Ucraína afirmou nun comunicado o mércores que tiña probas de que os separatistas locais, apoiados polo Kremlin, empregaran unha substancia inflamable e minas para incendiar o cuartel. O presidente de Ucraína, Volodímir Zelenski, xa se pronunciou sobre o ocorrido e cualificou o suceso como un ataque terrorista organizado por Rusia. En Kiev, os familiares dos membros do batallón de Azov celebraron unha concentración en honra ás vítimas. Ademais, representantes da Cruz Vermella instan a proporcionar ás familias información exhaustiva sobre os seus seres queridos. O Secretario Xeral da ONU, António Guterres, dixo que está a preparar unha misión de investigación para aclarar o ocorrido.
38