Empeza o xuízo polos atentados de Bruxelas

O Tribunal de Primeira Instancia de Bruxelas, en Bélxica, abriu este luns cunha audiencia preliminar o proceso xudicial polos atentados de Bruxelas. O 22 de marzo de 2016, tres yihadistas inmoláronse no aeroporto de Bruxelas-Zaventem e na estación de metro de Maelbeek, no barrio europeo. Os atentados acabaron coa vida de 32 persoas e feriron a máis de 340. O xuízo como tal comezará en outubro, pero neste primeiro encontro para fixar o procedemento os acusados xa se presentaron ante os xuíces. Case mil cidadáns buscarán xustiza neste xuízo e espérase que o proceso dure oito meses.