A xuíza da Audiencia Nacional que instrúe o caso Alcoa, María Tardón, deixou en liberdade con medidas cautelares os catro detidos que declararon este venres tras a operación realizada pola Policía na que se rexistraron unha decena de inmobles en relación á presunta despatrimonialización fraudulenta das plantas de produción de aluminio na Coruña e Avilés, unha investigación que continua baixo segredo de sumario. Aos catro impútanselles delitos de estafa agravada, insolvencia punible, apropiación indebida, asociación criminal e contra os dereitos dos traballadores. Como cautelares, a maxistrada acordou retirada de pasaporte e prohibición de saír de territorio nacional para os catro, e para tres deles, ademais, comparecencias mensuais en sede xudicial.
32