O Concello de Malpica, en colaboración coa asociación Malpica Felina, pon en marcha unha campaña de castración e implantación de microchip para gatos. Lembramos que a castración e o chip son obrigatorios por Lei e que non cumprilo pode supoñer sancións. As persoas interesadas poden facer a súa inscrición no Concello de Malpica, tanto de forma presencial como por vía telefónica. «Coidemos dos nosos animais e cumpramos coa normativa», coinciden en subliñar ambas entidades.