En marcha o novo centro social de Oseiro en Arteixo

C.A.

Os traballos, nos que o Concello investiu 700.000 euros, finalizaron en decembro de 2019 e posteriormente dotouse de mobiliario e contratáronse os servizos de conserxeiría e limpeza, a partir de agora xa está operativo.

O novo equipamento consistirá nun centro cívico de 300 metros cadrados que dará servizo ós veciños para celebrar actividades municipais. A zona de ocio terá unha explanada de 700 metros cadrados que poderá se utilizar para todo tipo de eventos; e unha zona de xogos infantís e espazo biosaudable para os adultos.

O novo centro tamén conta cun aparcadoiro con unhas trinta prazas.

A nova actuación do executivo pretende reforzar as opcións de esparexemento do núcleo de Oseiro, que ata o de agora só contaba co centro de Froxel.